ആധി

ഒഴിഞ്ഞ സ്ഥലങ്ങളിലെ
ഒഴിവുകളെ ഓർത്താണ്
എന്റെ ആധി

ഒഴിഞ്ഞു കിടക്കുന്ന മുറി
നഷ്ട്ടപ്പെട്ട ശബ്ധങ്ങളാൽ നിറയ്ക്കണം
ഒഴിഞ്ഞ ചുമരുകളിൽ
സ്വപ്നങ്ങളുടെ നിറങ്ങൾ തേക്കണം
പറമ്പിലെ ഒഴിഞ്ഞ മൂലകളിൽ
പറങ്കിമാവിൻ തൈ നടണം ...
എനിക്കു വേണ്ടി ഒരുക്കിയ
ആറടിയിലെ ഒഴിവിൽ
നിങ്ങൾ എന്നെ നിറയ്ക്കണം

നിറഞ്ഞു പെയ്യുന്ന കണ്ണുനീരിലൂടെ
ഞാൻ നിങ്ങളുടെ മനസ്സുകളിൽ നിന്ന്
ഒഴിഞ്ഞു പോവും
പക്ഷെ ,അപ്പോഴും
ആ ഒഴിവു ബാക്കിയാകും

അതെ ..
ഒഴിഞ്ഞ സ്ഥലങ്ങളിലെ
ഒഴിവുകളെ ഓർത്താണ്
എന്റെ ആധി