അന്ധഹസ്തിന്യായങ്ങള്‍

മരണം; ഒരു പ്രതികാരം..
തന്നെ  മറന്നുള്ള ജീവിതത്തിനോട്
ശരീരത്തിനെ ഉപേക്ഷിച്ചുള്ള
ആത്മാവിന്റെ പ്രതികാരം..

മരണം , ഒരു  നിറക്കാഴ്ച
വെള്ള പുതപ്പിക്കുന്ന കാവിയും
കറുപ്പുയര്തുന്ന ചുവപ്പും
നിവര്‍ന്നു നിരന്ന കാക്കിയും

മരണം, ഒരു തീര്‍ഥ യാത്ര
ജന്മ ശാപങ്ങളുടെയും കര്‍മ ഫലങ്ങളുടെയും
ഇടയിലൂടെ, മുക്തിയിലേക്ക്
ഒരു മോക്ഷ യാത്ര..

 മരണം, ഒരു കര്‍ത്തവ്യം..
ജന്മ ദേശത്തിന്റെ മേലെ പരക്കുന്ന
അന്യ ദേശത്തിന്റെ നിഴലകറ്റാന്‍‍

 മരണത്തിലേക്കിന്നു  ഞാനും പറക്കുന്നു
ന്യായങ്ങള്‍ക്കു‍ നിരക്കാത്ത കാരണങ്ങളോടെ
ഒരു പക്ഷെ, വെട്ടം കണ്ടു മോഹി -
ച്ചോരീയാം പാറ്റയെപ്പോലെ..!